Përkujtojmë përvjetorin e pushkatimit të dy priftërinjve katolikë: dom Zef Bicit
e dom Mark Dushit. Si sot, në mesnatën e 2 majit 1968, disa të tjerë thonë me
datën 10 maj 1968, në një fushë të shkretë të fshatit Dobraç, në rrethinat e Shkodrës,
shkreheshin batare mitralozi. Rrëzoheshin prej plumbave të tyre, në gropën që ishin
detyruar ta hapnin vetë, dy barinj të Kishës katolike të Shqipërisë, dy priftërinj
të njohur nga e gjithë bashkësia për zellin e tyre meshtarak e ungjillor dhe atë patriotik.
Këta dy prifta pushkatoheshin pas një gjyqi farsë, me akuzën: “armiq të popullit”;
“spiunë të Vatikanit”. Kishte kaluar vetëm një vit nga 1967-ta famëkeqe, kur diktatura
komuniste mbylli dyert e institucioneve e të tempujve fetarë, e bindur se ia kishte
dalë mbanësh ta mundte e ta zhdukte Zotin nga trojet shqiptare e besimin nga besimtarët
shqiptarë. Koha e tregoi të vërtetën. Filloi kështu vala e re e pushkatimeve të klerikëve
të fundit që kishin shpëtuar nga valët e mëparshme. Të dy meshtarët e përmendur, së
bashku me disa rregulltarë, qenë arrestuar pak pas mbylljes së Kishave e qenë nxjerrë
para gjyqit të vetëquajtur “i popullit”, që u zhvillua në Kishën e murgeshave stigmatine
në Shkodër, kthyer në klub rinie. Gjyqi përfundoi më 25 prill me disa dënime me vdekje
e burgime të rënda. Pak rëndësi kishte nëse meshtarët vërtetuan pafajësinë e tyre
para gjykatës, se nuk kishte asnjë provë të vërtetë kundër tyre, se veprimtaria e
fetare e atdhetare që kishin kryer, meritonte shpërblim, jo pushkatim. Vendimi për
jetën e vdekjen e tyre ishte marrë që para se të fillonte gjyqi me gjykatës kukulla,
me të dënuar që përfaqësonin ç’i kishte mbetur e mirë dhe e madhe popullit të masakruar
shqiptar.
Martirët e revolucionit kulturor që drejtoi Ramiz
Alija nga Pjetër Pepa
10 Maj 1968 - Pushkatohen D. Zef Bici-D.
Mark Dushi; Me burgim te rende D. Frano Ilia-D. Mark Hasi-P. Gege Luma etj. Dom
Zef Bici - Ka lindur ne katundin e Bregut te Mates me 19 maj 1919, prej prinderve
Dede Ujk Bici dhe Dile Precja. U pagezua ne katundin Gurez, ne Kishen e Shen Mehillit
prej D. Ndue Lleshit me 22 qershor 1919. Shkollen fillore e kryen ne katundin Gurez
ne vitet 1927-1932. Ne vitin 1934 hyn ne Seminarin Papnor ku vazhdon per kater vite
edhe teologji. Me 1939, me vdekjen e Imz. Pjeter Gjures- Arqipeshkev i Durresit
dhe administrimin e Arkidioqezit e muer Imz. Gasper Thaci , per aresye shendetesore,
largohet perkohesisht prej seminarit dhe rrin prane Imzot Thacit. Ne Arqipeshkvine
e Shkodres rrin edhe mbasi u zgjodh Imz. Vincenc Prennushi Arqipeshkev i Durresit.
Pra qendronte prane Imzot Thacit duke qene gjithnje seminarist i Arkidioqezit te Durresit
i cili mbante nje seminarist te Shkodres ne vend te tij. Në vitin 1944 merr pjesë
në dramën "Kështjella e Alkaxarit", pjesë që demaskonte krimet komuniste në Spanjë,
vene në skenë nga Dom Pjeter Gruda, asokohe ende pa u bere meshtar edhe ai. Me 2 shkurt
1946 shugurohet meshtar ne Katedralen e Shkodres, prej Imz. Gasper Thacit dhe te nesermen
thote Meshen e tij te pare po aty, tue pase gjithnje kumbare Imzot Thacin. Me 21 prill
1946 thote Meshen e tij te pare ne Tirane dhe te nesermen ne Durres. Me 26 prill 1946
thote Meshen e pare ne Gurez dhe mbas dy ditesh , me 28 prill edhe ne vendlidjen tij,
Bregun e Mates. Me 10 maj 1946 eshte ne Durres prane D. Anton Zogajt si ndihmes famullitar
ndonse ende pa dekret emrimi, vetem derguar verbalisht nga Imzot Prennushi. Me 6 nentor
1946 eshte ne Tirane edhe ketu pa dekret emrimi vetem me transferim verbal nga Imz.
Prennushi ku sherben si nd. Famullitar deri ne vitin 1952 se bashku me D. Mark Dushin;.
Ne marsin e vitit 1952 shkon ne Shkoder , prane Kryesise se Kishes Katolike duke u
emruar si shef administrate, shef personeli e shef kulture. Gjate kesaj periudhe eshte
edhe Rektor i Kishes se Rusit, Rektor i Kishes se Zojes, Rektor i Kishes se Shen Jozefit
e zv. Famullitar i Shirokes. Nderkohe thuajse drejton mbledhjet e perpjekjet per pranimin
e Statutit. Ne 1955 zhgarkohet nga detyrat prane Kryesise se Kishes dhe qe nga 1 janari
1956 eshte ne dispozicion duke sherbyer per pak kohe si nd. Famullitar ne Shiroke.
I propozohet te qendroje ne Arkidioqezen e Shkodres por nuk pranon dhe vihet ne dispozicion
te Ordinarit te Arkidioqezit D. Luigj Gashit- Vikar Kap. i Arkidioqezit qe i propozon
te shkoje ne Durres apo Zheje. Pranon te shkoje ne Zhejë ne vitin 1956 duke thene
meshen e pare atje me 25 marsin e vitit 1956 duke e paraqitur para popullit D. Frano
Ilia, Sekretar i Kurjes. Me propozimin e Ordinarit D. Luigj Gashi kethen serish ne
Tirane, duke zevendsuar D. Mark Dushin qe kishte kerkuar te largohej prej Tirane.
Me 28 prill 1957 eshte famullitar i Tiranes duke e marre ne dorezim ate nga D. Mark
Dushi qe shkonte famullitar ne Zheje-Mamurras. Eshte njekohesisht edhe administrator
per famullite e Vlores dhe Elbasanit. Me 12 .9.1957 zgjidhet Vikar Kapitullar i Arkidoqezit
te Durresit, nga keshilltaret Dioqeziane, me vdekjen e D. Luigj Gashit. Me shkresen
N.1 /12 dt. 18.11.1957 njoftohet i aprovuar nga Kryesia e Kishes e nga Keshilli i
Ministrave simbas Dekret-Ligjit mbi Komunitet fetare Neni 13 qe me emrimin e tij si
Vikar, administrimin e famullise se Vlores ja leshon D. Mark Dushit. Qendron ne famulline
e Tiranes deri ne nentorin e vitit 1964 qe arrestohet e denohet per moskallzim
krimi, duke u zevendesuar nga D. Ndoc Sahatcija. Lirohet pas nje viti por pa te drejten
e qendrimit ne Tirane, dhe emrohet ne Dioqezen e Lezhes si famullitar i Mercijes dhe
Rraboshtes ku qendron deri ne marsin e vitit 1967. Mbas kesaj date kalon prane familjes
se tij per te rene viktime e Revolucionit kulturor kur arrestohet 4 korrik 1967. Gjykohet
ne Kishen e Motrave Stigmatine - Shkoder, kethyer ne Klub Rinije dhe denohet me vdekje-pushkatim
me 25 prill 1968 per tradhti te larte ndaj atdheut; dhe agjent i Vatikanit. Pushkatohet
në 10 (2 ?)maj 1968. Eshtrat e tij , si edhe te D. Mark Dushit, do te gjenden
25 vjet me vone, ne nje fushe te Dobracit me 12.9.1993 dhe kethehen ne nje pllake
perkujtimore prane Kishes se Zemres Krishtit te Tirane. Dekorohet si Martire i Demokracise
, se bashku me D. Mark Dushin si dhe D. Shtjefen Kurtin me eshtra ende te pagjetura..
Dom
Mark Dushi - Ka lindur ne Gjakove te Rrafshit te Dukagjinit me 19 nentor 1920
nga prinderit Pjeter e Tereze Balto Geci prej Shkupit. Pagezohet ne Gjakove, ne Kishen
e Apostujve Pjeter e Pal nga P. Marjan Glasinovic dhe ne moshën gjashte muajsh largohet
me familje e vjen ne Shkoder. Kryen klasen e pare ne shkollen franceskane Shkoder
e pas nje viti e vazhdon ne Tirane ne konviktin Naim Frasheri -1929. Ne vitin 1934,
i derguar nga Imz. Pjeter Gjura, eshte konviktor ne jetimoren e Zemres se Krishtit
duke mos pas vend ne Seminar. Kryen vitin e pare se bashku me studentet e Seminarit Papnor
dhe te Kolegjes Saveriane. Ne vitin 1935 eshte student ne Seminarin Papnor Shqiptar
me Arkidoqeze te Durresit. Ne periudhen 1935-1942 kryen edhe tri vjet Filozofi po
ne Shkoder dhe kater vjet Teologji. Merr pjesë në dramën e shfaqur në vitin 1944 "Kështjella
e Alkaxarit" kundër luftës komuniste spanjole. Shugurohet meshtar nga Imz. Vincenc
Prennushi, Arqipeshkev i Durresit, ne Kishen famullitare te Tiranes me 2 shkurt 1946
dhe po aty thote te paren Meshe tue pase si kumbare, ne mungese te P. Pjeter Palladinit,
i cili ne ato dite u riatdhesua, P. Pjeter Meshkallen, Rektor i Kishes se Zemres se
Krishtit dhe Drejtor i Veprimit Katolik ne Tirane. Qe ne vitin 1945 eshte mesues Besimi
ne 16 shkolla fillore te Tiranes deri ne gjysen e vitit 1946. Emrohet kooperator ne
famulline e Tiranes me famullitar D. Shtjefen Kurtin. Me 30 tetor 1946, mbas arrestimit
te D. Shtjefen Kurtit eshte Vikar i Pergjithshem i Arkidioqezes se Durresit dhe famullitar
i Tiranes, emruar verbalisht prej Imz. Prennushit. Qendron ne kete detyre deri ne
vitin 1950 kur emrohet D. Pjeter Dema , atehere famullitar i Milotit, Vikar e Kapitullar
i Arkidioqezit te Durresit. Gjate viteve 1946-1954 sherben ne kishen famullitare por
edhe ne ate te Zemres se Krishtit, si Rektor i saj. Eshte Kapelan i dy spitaleve shteterore,
Civil e Ushtarak, te Tiranes ne vitet 1946 - 1947, si edhe rrefyes i motrave Ancelle
te ketyre spitaleve. Ne vitin 1950 merr pjese ne nje Konference Paqe mbajtur ne Tirane
me perfaqesues te tjere te besimeve fetare, shkrimtare dhe artiste etj. Kundra armeve
atomike e ne favor te paqes dhe per fjalimin e mbajtur falenderohet e pergezohet nga
Frederic - Joliot; Curi, President i Komitetit te Kongresit te Partizaneve te Paqes.
me 13 tetor 1950. Eshte pjestar i Komisionit per perpilimin e Statutit e te Rregullores
se Kishes Katolike te Shqiperise dhe ndermjetes i Kryesise se Kishes ne lidhjet me
Shtetin. Ka grumbulluar te dhena historike per famulline e Tiranes, Durresit, Vlores,
Elbasanit, Prevezes, Janines, Zhejes, Bushneshit, Delbenishtit etj, si dhe nje; Status
animarum; te famullise se Tiranes. Gjate viteve 1946-1954 eshte Administrator i Kishes
Katolike Unite ne Elbasan si edhe Administrator i Kishes Famullitar Vlore per periudhen
1946-1966. Me 13 dhjetor 1952 eshte Keshilltar Dioqezjan qe e kryen deri ne 12 shkurt
1967. Me 14 nentor 1961 emrohet Zv. Famullitar i Delbenishtit ndersa me 12 tetor 1966
kalon ne famulline e re te Gurezit. Me mbylljen e institucioneve fetare kethen prane
familjes se tij. Arrestohet me 23 shtator 1967, mbas atij; Fjalimi Programatik; te
diktatorit qe fillonte fushaten e mbylljes se Kishave dhe dhunimit te kulteve fetare.
Akuzohet se kur ka shkue në Vlonë me thanë meshën, ka mbledhë informata ushtarake
për Pashalimanin, Grykën e Koçiut, Sazani etj. Eshte ne grupin e tij me D. Zef Bicin,
D. Mark Hasin, D. Frano Illine dhe te tjere ne gjyqin publik qe i behet ne kishen
e Motrave Stigmatike Shkoder, kthyer ne Klub te Rinise. Me 25 prill 1968 denohet me
vdekje - pushkatim per; tradhti te larte ndaj atdheut; dhe agjent i Vatikanit. Pushkatohet
në 10 (2 ?) maj 1968.