Në Qipro, gjatë Asamblesë Plenare të Ipeshkvijve Ordinarë katolikë të Tokës së Shenjtë, thirrje drejtuar të krishterëve që të mos largohen nga atdheu përkundër sfidave aktuale. Sipas ipeshkvijve, janë në rritje shtegtimet e besimtarëve në vendet e Shenjta. Është paralajmëruar krijimi i një famullie kishtare të veçantë për emigrantët.
Gjatë takimit, i cili u mbajt në selinë e kryeipeshkvisë Maronite të Nikozisë, Asambleja trajtoi tema të ndryshme duke përfshirë Sinodin e Ipeshkvijve mbi të rinjtë, emigrantët, pastaj enciklikën e Papës Françeskut "Laudato Si" dhe shtegtimet e besimtarëve nga viset e ndryshme të botës në Tokën e Shenjtë.
Thirrja dhe misioni i të krishterëve është që të mbeten në vendin e tyre
Ipeshkvijtë, duke përmendur çështjen e refugjatëve sirianë e irakianë, vënë në dukje
gjendjen e tyre të vështirës dhe dëshirën e tyre për të lënë, pra, për të braktisur
Lindjen e Mesme e për t’u nisur, kështu, drejt vendeve tjera, për të gjetur më shumë
siguri dhe dinjitet, pastaj kujtuan thirrjen a vokacionin dhe misionin e të gjithë
të krishterëve, veçanërisht të atyre që janë në Tokën e Shenjtë, të cilët, sipas ipeshkvijve,
duhet të qëndrojnë në tokën e tyre, përkundër sfidave aktuale.
All the contents on this site are copyrighted ©. |