25 mars 2018
E Diela e Larit dhe e Mundimeve të Krishtit
Dita XXXIII Botërore e Rinisë me temë: “Mos ki frikë, o Mari, sepse ke gjetur hir para Hyjit!” (Lk 1,30)
Kapela Papnore, në Sheshin e Shën Pjetrit: ora 10
Papa Françesku do të bekojë palmat e ullinjtë e, në përfundim të procesionit, do të kremtojë Meshën Shenjte të Mundimeve të Zotit.
29 mars 2018
E Enjta e Javës së Madhe
Mesha Shenjte e Bagmit - Bazilika e Vatikanit: ora 9.30
Ati i Shenjtë do të kryesojë kremtimin e Meshës Shenjte të Bagmit me Kardinajtë, Patriarkët, Kryeipeshkvijtë, Ipeshkvijtë e Meshtarët (dioqezanë e rregulltarë) të pranishëm në Romë.
Të Enjten e Madhe të Pashkëve, në orën 16.00, Papa Françesku do të shkojë për vizitë në burgun “Regina Coeli” në Romë, ku do të kremtojë edhe meshën e Darkës së Mbrame (in Coena Domini) me ritin e larjes së këmbëve. Gjithashtu, Ati i Shenjtë do të takohet me të burgosurit e sëmurë në infermieri dhe me ata të Seksionit VIII.
30 mars 2018
E Premtja e Madhe
Kremtimi i Mundimeve të Zotit
Kapela Papnore, në Bazilikën e Vatikanit, ora 17
Ati i Shenjtë do të kryesojë Liturgjinë e Fjalës, Adhurimin e Kryqit dhe Ritin e Kungimit.
Udha e Kryqit, Koloseum: ora 21.15
Papa do të kryesojë “Udhën e Kryqit”, në përfundim të së cilës do t’u drejtojë fjalën besimtarëve dhe do të japë Bekimin e tij Apostolik.
31 mars – 1 prill 2018
E Diela e Pashkëve: në pritje të ngjalljes së Zotit, Nata e pagjumë e Pashkëve
Kapela Papnore – në Bazilikën e Vatikanit: ora 20.30
Ati i Shenjtë do të bekojë zjarrin e ri në tremen e Bazilikës së Shën Pjetrit; pas hyrjes me procesion në Bazilikë, me qiriun e Pashkëve dhe këngën Exultet, do të kryesojë Liturgjinë e Fjalës, Liturgjinë e Pagëzimit dhe Liturgjinë Eukaristike, të bashkëkremtuar me Kardinajtë, Ipeshkvijtë që dëshirojnë dhe disa meshtarë.
Mesha Shenjte e Ditës
Kapela Papnore - Sheshi i Shën Pjetrit: ora 10
Papa do kremtojë Meshën Shenjte. Në përfundim të kremtimit, nga lozha qendrore e Bazilikës, do të japë Bekimin “Urbi et Orbi”, “Romës e botës”.
All the contents on this site are copyrighted ©. |