Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Vatikani \ Ngjarje

Parolin: Papa Françesku, Papni e gëzimit

Papa me kardinalin Parolin - AFP

13/03/2018 13:06

Është bashkëpunëtori më i ngushtë i Papës, sekretari i Shtetit, Pietro Parolin. Duke e takuar me rastin e pesëvjetorit të papnisë së Françeskut, e pyetëm cilat janë, sipas tij, karakteristikat kryesore të Magjisterit të Atit të Shenjtë:

“Kaluan pesë vjet; kaluan shpejt, tepër shpejt, me ritmin e shumë ngjarjeve të gëzuara e të trishta. Mbetet i vërtetë fakti se zgjedhja e një Pape dhe Shërbesa e tij, janë gjithnjë dhuratë për Kishën e për njerëzimin.  Ky përvjetor na bën të gjithëve të mendojmë për karakteristikat  e Magjisterit e të veprimtarisë së Papës Françesku. E karakteristika e parë, që të kujton kjo papni, është padyshim gëzimi: “Evangelii gaudium”, “Amoris laetitia”, “Laudato si’”- janë lavde, që lindin nga gëzimi, nga një shpirt përplot me gëzim. E atëhere do të thosha se karakteristika kryesore e kësaj papnie është pikërisht gëzimi, një gëzim që, natyrisht, nuk lind nga çkujdesja, por nga bindja se Zoti të do! Prej këndej, pastaj, buron karakteristika tjetër e kësaj papnie: mëshira, domethënë dashuria personale dhe e plotë që ka Zoti për secilën nga krijesat e veta. E, nga ana tjetër, gëzimi që buron nga detyra për t’ua komunikuar të tjerëve Lajmin mirë të Ungjillit, për t’ua kumtuar shëlbimin e Jezusit. Gëzim i ndarë edhe me të tjerët. Ndërsa vija e tretë më duket se është ajo e Ungjillëzimit, e Kishës në dalje, që duhet t’ua çojë Ungjillin të gjitha krijesave. Më duket se janë këto, thënë me pak fjalë, të paktën për mua, karakteristikat kryesore të kësaj papnie”.

13/03/2018 13:06