Në mbledhjen e Konferencës së Ipeshkvijve të Kishës katolike në Shqipëri, u bënë emërime të reja në udhëheqjen e këtij organizmi kishtar. Në përkujtimin Liturgjik të Festës së Shenjtës Agata, me lutjen e thirrjes drejtuar Shpirtit Shenjtë dhe duke kremtuar Përkujtimin e Vazhdueshëm të Zotit tonë Jezu Krishtit, në kremtimin e Meshës Shenjte, Etërit e Nderuar, Barinjtë shpirtëror të Kishës në Shqipëri, të mbledhur në Konferencën e radhës, i nisën punimet e tyre, në një klimë tërësisht vëllazërore. Nga kjo Konferencë, me rëndësi për publikun, vlen të përmendet zgjedhjet e reja të Kryesisë së Konferencës Ipeshkvore. Me votim Barinjtë zgjodhën:·
Shkëlqesinë e Tij, Atin e Nderuar, Arqipeshkvin e metropolisë Tiranë-Durrës, Imzot George Frendo, për Kryetar të KISH-it;·
Shkëlqesinë e Tij, Atin e nderuar, Ipeshkvin e Administraturës Apostolike të Shqipërisë së Jugut, Imzot Giovanni Peragine, për Zëvendëssekretar të KISH-it;
·Shkëlqesinë e Tij, Atin e nderuar, Ipeshkvin e Dioqezës së Rrëshenit, Imzot Gjergj Meta, për Sekretar të Përgjithshëm të KISH-it
Njofton zyra e shtyoit e Konferencёs Ipeshkvore Shqiptare
All the contents on this site are copyrighted ©. |