"Asnjë sulm terrorist, por vetëm veprime të vandalizmit të angazhuara për të tërhequr vëmendjen". Eshtë deklarata e parë e atë Felipe Herrera, zëdhënës i Komisionit Kombëtar për vizitën e Papa Françeskut në Kili, duke folur për sulmet që natën e kaluar kanë synuar të paktën katër kisha katolike në pjesë të ndryshme të Santiago-s, për të protestuar ndaj vizitës së Papa Françeskut në vend, në program nga 15 deri më18 janar. Në tre nga sulmet, kishat pësuan dëme, veçanërisht në portat dhe fasadat, ndërsa i katërti u neutralizua nga policia. "Për fat të keq nuk është një surprizë për ne këtu në Kili që këto gjëra të ndodhin", thotë atë Herrera. "Ato janë vepër e grupeve të vogla që veprojnë jo vetëm kundër Kishës, por edhe me rastin e ngjarjeve tjera të rëndësishme që organizohen nga ambasadat apo institucionet publike. Protesta të dhunshme, me hedhje të shisheve ose të gjërave të lagura me benzinë për t’u vendosur zjarrin. Pastaj lënë mesazhe duke thënë gjëra të këqija. Vepruan gjatë natës dhe në këtë rast kanë synuar kisha të vogla e të varfëra, të frekuentuara nga njerëz të varfër".
Pse e bëjnë këtë? "Për të tërhequr vëmendjen", përgjigjet prifti që është përgjegjës për komunikimin për vizitën e Papa Françeskut në Kili. "Ata megjithatë janë shenjë e një pakënaqësie shumë të lartë sociale. Thonë se Kisha është një bashkëfajëtore. Janë grupe kundër-sistemit". Kisha vendore nuk është e shqetësuar për suksesin e vizitës së Papës në Kili. "Nuk ka asnjë shqetësim - konfirmon atë Herrera - por më tepër është e pikëlluar thellë për këto ngjarje. Prandaj do të doja të theksoja dy gjëra. E para është se përdorimi i dhunës nuk është kurrë rrugë e drejtë. Motoja e zgjedhur për këtë vizitë papnore është "Unë ju jap Paqen time".
Këto akte të dhunës na tregojnë se sa Kili ka nevojë për këtë paqe dhe drejtësi. Gjëja e dytë është se plani i sigurisë këtu në Kili për ardhjen e Papa Françeskut është shumë i madh dhe jo vetëm për Papa Françeskun. Ne e dimë shumë mirë se Papa është më i shqetësuar me sigurinë e njerëzve sesa për sigurinë e tij personale. Pra, ajo që duam të japim është një mesazh qetësie, qetësie. Kjo nuk është një gjë e re. Fatkeqësisht ne jemi mësuar me kësij lloj demonstratash, por këtu njerëzit po presin me gëzim Papën “.
All the contents on this site are copyrighted ©. |