Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Papa Françesku \ Takime e ngjarje

Papa Françesku: nuk duhet tё presim përsosurinë pёr t’iu përgjigjur Zotit

screenshot videomessaggio di Papa Francesco viaggio in Peru e Cile gennaio 2018 - RV

13/01/2018 15:35

"Nuk duhet të presim të jemi tё përsosur për t'iu përgjigjur Zotit që na thërret, po ta mirëpresim me zemër të hapur zërin e tij". Kёtё theksoi Papa Françesku në një tweet të ri.

Thirrja e krishterë, pati shkruar Françesku me rastin e Ditës sё 52-të Botërore të Lutjes për Thirrjet meshtarake e rregulltare mё 2015, karakterizohet nga përvoja e eksodit, e daljes. Këtu e ka bazën edhe tema e mesazhit tё vitit 2015, që titullohet “Dalja, përvojë themelore për thirrjen”. Që këndej, ftesa drejtuar të rinjve për të mos pasur frikë të dalin nga vetvetja e të vihen për udhë, gjithnjë me vështrimin ngulur mbi nevojtarët.

Thirrja e krishterë përfaqëson një impenjim konkret, në shërbim të ndërtimit të Mbretërisë së Zotit mbi tokë dhe nxit pashmangshëm drejt solidaritetit, sidomos me të varfërit. Të rinjve, Papa Françesku u drejtoi një thirrje të zjarrtë që të mos kenë frikë nga pasiguritë dhe të papriturat e përditshme, të cilat ka rrezik t’ua frenojnë ëndrrat. Duhet të dalin nga vetveteja e të vihen për udhë gjurmëve të Jezusit, siç pati bërë Shën Maria Virgjër, model për çdo thirrje. Si ajo, të mos kenë frikë t’i thonë “po” Zotit e t’ia kushtojnë gjithë jetën Atij.

13/01/2018 15:35