Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Kisha \ Kisha në botë

Nigeri: u liruan pas 53 ditësh, gjashtë murgesha të rrëmbyera në nëntor

Pas 53 ditësh, gjatë të cilave u mbajtën peng, më në fund, u liruan gjashtë rregulltaret (tri murgesha dhe tri rishtare), rrëmbyer në Nigeri më 14 nëntorin e kaluar, nga kuvendi i tyre në Iguoriakhi. Lirimi i tyre u njoftua nga Fondacioni “Missio”, me një notë të publikuar në faqen e internetit, me të cilën shpjegohet se njëra nga motrat, Veronica Ajayi, është liruar të shtunën, më 6 janar, në mbrëmje, ndërsa të tjerat, ditën e mëpasme. “Të gjitha – shpjegohet në notën e ripublikuar nga agjencia katolike Sir – janë kthyer në dioqezën e tyre, në kuvendin e Zemrës Eukaristike të Jezusit e, asnjëra nuk ka shenja dhune, sipas fjalëve të eprores së përgjithshme, Agatha Osarekhoe”.

U dëgjua thirrja e Papës

         Me thirrjen për lirimin e tyre u bashkua edhe Papa Françesku, i cili, në Engjëllin e Tënzot të së dielës, 17 dhjetor, pati thënë: “Bashkohem me gjithë zemër me thirrjen e ipeshkvijve të Nigerisë për lirimin e gjashtë murgeshave të Zemrës Eukaristike të Krishtit, rrëmbyer para një muaji në kuvendin e tyre në Iguoriakhi. Lutem me gjithë shpirt për to e për të gjithë njerëzit, që ndodhen në këtë gjendje të dhimbshme: me rastin e Krishtlindjes, dhashtë Zoti të kthehen më në fund në shtëpitë e tyre”.

Akoma e paqartë, arsyeja e rrëmbimit

         Nuk është e qartë nëse është paguar ndonjë shpërblim e nuk dihen akoma arsyet e rrëmbimit. “Dimë – përfundon nota e Fondacionit ‘Missio’ – se murgeshat e Zemrës Eukaristike të Jezusit, si motër Fidelia Alao, bëjnë pjesë në rrjetin global të rregulltareve, që, ndër të tjera, luftojnë kundër trafikut të grave dhe skllavërimit të tyre”.

09/01/2018 13:45