Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Kisha \ Kisha në botë

Selia e Shenjtë: zi ndër ipeshkvijtë kinezë

Katolikë kinezë

03/01/2018 15:30

Dy vdekje ndër ipeshkvijtë kinezë. Njoftimin e jep sot Salla e Shtypit e Selisë së Shenjtë. Është fjala për ipeshkvin e Fengxiang-ut (Kina kontinentale), imzot Luka Li Jingfeng, që ndërroi jetë në moshën 96-vjeçare, pas disa muajsh sëmundjeje të rëndë; si edhe për ipeshkvin ndihmës të nderit të Hanzhong-ut (gjithnjë Kina kontinetale), imzot Matia Yü Chengxin, 89-vjeçar, i sëmurë prej kohësh.

         Të dy, kur akoma nuk ishin ipeshkvij, janë arrestuar gjatë Revolucionit Kulturor kinez, në periudhën e së ashtuquajturës “Lëvizje e tri autonomive”. Të dy u dënuan me punë të detyruar për gati 20 vjet, deri më 1981, kur u ringjall jeta fetare në Kinë. Nuk pranuan të marrin pjesë në “Shoqatën Patriotike” ku Partia Komuniste deshi të inkuadronte të gjithë klerin katolik, por pavarësisht nga kjo, pas 1981-shit, u shuguruan ipeshkvij dhe u njohën si të tillë edhe nga qeveria e Pekinit, përveçse nga Selia e Shenjtë. Imzot Luka u thirr nga Papa Benedikti XVI për Sinodin e Ipeshkvijve në Vatikan, së bashku me tre prelatë të tjerë, por asnjëri prej tyre nuk arriti të merrte autorizimin e nevojshëm për të ardhur në Romë, shenjë se marrëdhëniet ndërmjet Kinës dhe Selisë së Shenjtë kishin dhe kanë akoma hapa përpara për të bërë.

03/01/2018 15:30