Ish dimër…
Era e stepës fishk’llonte frikshëm
e foshnja përmbi kashtë
mbulohej me mornica.
Shpella ish plot me dele
që lëshonin avull të ngrohtë…
Barinjtë në mesnatë
me sytë e pagjumë
nga maja e karpës
shikonin shpellën…
E aty pranë,
krejt i paparë deri në atë çast,
sa ‘i xixëllonjë
n’dritare të një kasolleje,
një yll vetëtinte
mbi udhën e Betlehemit!
All the contents on this site are copyrighted ©. |