Audienca e Françeskut me Presidentin e Sierra Leones, Koroma

Liria fetare, bashkëjetesa paqësore dhe respekti reciprok ndërmjet grupeve të ndryshme. Janë këto, disa nga temat e trajtuara sot paradite, në Vatikan, gjatë audiencës së Papës Françesku me Presidentin e Republikës së Sierra Leones, Ernest Bai Koroma, i cili u takua, më pas, edhe me imzot Paul Richard Gallagher, sekretar për Marrëdhëniet me Shtetet. Gjatë bisedës – shpjegon një notë e Sallës vatikanase të Shtypit “u theksua rëndësia që ka favorizimi i kohezionit kombëtar, duke vlerësuar pasurinë e traditave të ndryshme historike, fetare e kulturore të vendit afrikan, pa cënuar kurrë të drejtat e njeriut e, sidomos, ato të pakicave. Pati edhe shkëmbime mendimesh për tema me interes ndërkombëtar, lidhur posaçërisht me sfidat  aktuale që përballon Rajoni”.