Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Rubrika \ Kalendari

Me 3 tetor kalendari Kishtar përkujton Shën Kandiden nga Roma, martire

Andrea del Sarto (Andrea d?Agnolo; Firenze 1486-1530) Compianto su Cristo morto (Pietà di Luco) 1523-1524, olio su tavola, cm 238,5 x 198,5. Firenze, Gallerie degli Uffizi, Galleria Palatina, inv. 1912 n. 58. - ANSA

03/10/2017 14:34

Sot me 3 tetor kalendari Kishtar përkujton Shën Kandiden nga Roma, martire. Dihet shumë pak për martiren romake, që kujtohet vetëm në një lapidar të skalitur në kohën e Papës Pasqualit I. Prej këtij lapidari mësojmë se trupi i saj, i martirizuar në Romë, u mbart nga katakombet e Prishilës dhe u varros në Kishën e Shën Presedes në Eskulin.

Më pas reliket u mbartën përsëri dhe u vendosën në Kishën romake të Zojës së Mrekullive. Shtatorja prej dylli, brenda së cilës ruhen këto relike, e veshur me petka të epokës, e mbrojtur nga një urnë qelqi, u vendos në kapelën e dytë më të djathtë të elterit të madh, që iu kushtua Martires. Sipas bolandistëve, siç quhen autorët e jetëshkrimit të martirëve, Kandida dha dëshminë e gjakut për Krishtin së bashku me Shën Artemin e Shën Paolinën, që kremtohen më 6 qershor.

Liturgjia e festë së Shën Kandidës martire, na nxit të meditojmë për detyrën tonë si të krishterë në ndërtimin e mbretërisë së Hyjit. Është thirrje themelore, që Jezusi na e përsërit çdo çast, duke na kujtuar se kjo thirrje duhet të na nxisë t’i duam të tjerët e jo ta ndjejmë veten më të mirë se ata.

03/10/2017 14:34