Don Mark Shtjefni në 3-vjetorin e vizitës së Papës Françesku në Shqipëri

Kujtuam dje, 3-vjetorin e vizitës së paharrueshme të Papës Françesku në Shqipëri, gjatë së cilës Ati i Shenjtë Bergoglio vlerësoi thesarin e çmueshëm shpirtëror të kombit shqiptar, aftësinë e tij të bashkëjetesës ndërmjet besimeve fetare, duke e dhënë si shembull për gjithë botën. Kjo u duk qartë sidomos në takimin me krerët e bashkësive të ndryshme fetare në Universitetin “Zoja e Këshillit të Mirë”, në Tiranë. Një kujtim i asaj vizite në fjalët e meshtarit shqiptar nga dioqeza e Sapës, don Mark Shtjefni, aktualisht zëdhënës i Konferencës Ipeshkvnore të Shqipërisë…