Pas lutjes së Engjëllit të Tënzot në Sheshin e Shën Pjetrit, Papa u shprehu afërsinë e tij popullsive të Bangladeshit, Nepalit e Indisë, dëmtuar, këto ditë, nga përmbytje të mëdha. Françesku u lut për viktimat e për të gjithë ata, që vuajnë nga shkaku i këtyre fatkeqësive të natyrës. Më pas, mendimet dhe lutjet e Papës iu kushtuan Myanmar-it:
“Më erdhën - kujtoi - lajme të trishtuara, që flasin për persekutimin e pakicës fetare, vëllezërit tanë Rohingya. Dëshiroj t’u shpreh tërë afërsinë time e i ftoj të gjithë të luten, që Zoti t’i shpëtojë e të frymëzojë burra e gra vullnetmira në ndihmë të tyre, për t’u siguruar të drejta të plota”.
All the contents on this site are copyrighted ©. |