Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Bota \ Aktualiteti ndërkombëtar

Ndeshje SHBA-Rusi. Putin përjashton 755 diplomatë amerikanë

Presidenti rus, Putin e ai amerikan, Trump - AP

31/07/2017 17:13

Presidenti rus Vladimir Putin vendosi ta shkurtojë numrin e diplomatëve amerikanë në Rusi me 755 vetë. Delegacioni i Uashingtonit duhet të ketë 455 persona, aq sa ka edhe ai i Moskës në territorin e SHBA-ve.

         Bashkëpunimi me SHBA-të do të vazhdojë në fushat me interes për Moskën, njoftoi Kremlini. Por, faktikisht, ndodhemi sërish para një ftohjeje të mëtejshme në marrëdhëniet dypalëshe, që ka filluar tashmë, nga viti 2014. Gjendja nuk u përmirësua me zgjedhjen e presidentit Donald Trump, pasi ai nuk ka pushtet të ndryshojë marrëdhënie me karakater strategjik.

         Kremlini mori këto masa pas atyre të presidentit të atëhershëm amerikan, Barak Obama, i cili përjashtoi nga territori 35 diplomatë rusë e sekuestroi dy prona ruse në SHBA, kur sigurimi amerikan denoncoi ndërhyrje nga ana e Moskës në zgjedhjet e vitit 2016. Moska priti votën e Kongresit amerikan, i cili, javën e kaluar, e detyroi presidentin e ri Trump të mos i heqë sanksionet në fuqi. Rusia do t’i largojë diplomatët amerikanë më 1 shtator e do të sekuestrojë një shtëpi e një depo në përdorim të amerikanëve.

31/07/2017 17:13