Do të jetë “Cinta Costera Uno” (Bregdeti Nr. 1), bregdeti sugjestiv para oqeanit, vendi kryesor i takimeve të Ditës Botërore të Rinisë në Panama, në program nga 22 deri më 27 janar 2019. Kështu njoftoi dje, në një konferencë për shtyp, kryeipeshkvi i Panamasë, imzot José Domingo Ulloa Mendieta. Prelati shtoi se vendi është vlerësuar më parë nga xhandarmëria e Vatikanit.
Respektohen kriteret e sigurisë dhe të thjeshtësisë
Në “Cinta Costera Uno”, e cila i plotëson kriteret e sigurisë për Papën Françesku, do të priten, sipas Komitetit organizator, më se 375 mijë të rinj. Gjatë takimeve do të tregohet kujdes i veçantë për ambientin dhe thjeshtësinë, siç është kërkuar nga Ati i Shenjtë.
All the contents on this site are copyrighted ©. |