Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Rubrika \ Kalendari

Më 20 korrik kalendari përkujton shën Apolinarin, martir

Caravaggio flagellazione-di-cristo - RV

20/07/2017 13:14

Më 20 korrik kalendari përkujton shën Apolinarin, martir. Shën Apolinari, ipeshkëv i Ravenës e martir jetoi ndërmjet shekujve II-III. Me origjinë nga Antiokia, kreu shërbimin ipeshkëvnor në qytetin perandorak të Ravenës. Ka shumë mundësi që këtë detyrë t’ia ketë ngarkuar vetë Shën Pjetri Apostull. Iu kushtua me mish e me shpirt misionit të ungjillëzimit të Emilia Romanjës derisa, sipas traditës, vdiq si martir.

Për kujtimin e tij u ngritën tri bazilika të njohura: e Shën Apolinarit in Classe, ku ruhen reliket dhe një mozaik i famshëm kushtuar Shenjtit, shuguruar në vitin 544 dhe Shën Apolinari i Ri, të dyja pranë Ravenës si dhe bazilika në Dizhon të Francës. Në katedralen e Bolonjës, që e ka zgjedhur si pajtor, sepse qe bariu i parë i vendit, i kushtohet një elter i posaçëm.

Por emri i Shenjtit u bë shumë shpejt i njohur edhe në Gjermani përmes predikimeve të murgjërve benediktinë, kamaldolezë e avelanitë. Meshari Romak e ka caktuar 23 korrikun si ditë të përkujtimit të tij por, me dëshirën e Gjon Palit II, nisi të kremtohej tri ditë para, për t’i lënë vend shenjtorëve të tjerë, që përkujtohen në këtë datë. E më 23 përkujtohet një shenjtore e madhe: shën Brigjida, bashkëpajtore e Evropës.

20/07/2017 13:14