Vdiq Navarro-Valls, zëdhënës i paharrueshëm i Gjon Palit II

Ndërroi jetë dje në moshën 80 vjeç, ish drejtori i Sallës së Shtypit të Vatikanit, spanjolli Joaquin Navarro-Valls. Për mëse njëzetë vjet zëdhënës i Vatikanit, Navarro-Valls ka qenë ngushtë i lidhur me figurën e Papës Shën Gjon Pali II, i cili e pati thirrur në drejtimin e Sallës së Shtypit të Selisë së Shenjtë në vitin 1984, duke i dhënë kështu rëndësi e lënë gjurmë të pashlyeshme në sistemin e komunikimit të Selisë së Shenjtë. Navarro-Valls ishte edhe zëdhënës gjatë vitit të  parë të Papnisë së Benediktit XVI.