Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Papa Françesku \ Audienca dhe Engjëlli i Tënzot

Në përshëndetjet e Papës, forca e ndërmjetësimit të Shëna Ndout

Shqiptarët në Festën e Shëna Ndout - RV

14/06/2017 14:30

Papa Françesku u kushtoi një mendim të posaçëm familjarëve të ushtarakëve të vdekur në misionet e paqes:

“Jam pranë jush me dashuri, me ngushëllim e inkurajim” – u shpreh Françesku gjatë përshëndetjeve drejtuar besimtarëve të gjuhës italiane, mbledhur rreth tij në Sheshin e Shën Pjetrit, me rastin e audiencës së përgjithshme. Kujtoi, më pas, edhe se dje ishte festa e Shëna Ndout  të Padovës, “predikatarit të pashoq e pajtorit të njerëzve të varfër e të vuajtur, të cilëve u shpërndau ditë për ditë atë, që mbeti në historinë e bamirësisë së Kishës, me emrin “Buka e Shëna Ndout”.

Figura e Shenjtit Mrekullibërës ishte filli i artë, që lidhi përshëndetjet drejtuar të rinjve, të sëmurëve e të sapomartuarve. Në përshëndetjen e përzemërt drejtuar të rinjve, Papa i ftoi të ecin në gjurmët e Shenjtit të Mrekullive, duke jetuar sipas shembullit të jetës së tij të krishterë;

të sëmurët, pastaj, i ftoi të mos lodhen kurrë duke ia kërkuar Hyjit shëndetin e gjithçka tjetër, që kanë nevojë, me ndërmjetësimin e Shëna Ndout;

së fundi, përshëndetja  drejtuar çifteve të reja, me ftesën për të hyrë në garë në bankat e shkollës së Shenjtit, për njohjen sa më të thellë të Fjalës së Zotit.

14/06/2017 14:30