Papa Françesku ka emëruar sot imzot Angelo De Donatis Vikar të ri të Përgjithshëm të Dioqezës së Romës e kryeprift të Bazilikës Papnore të Shën Gjonit në Lateran. Zëvendëson kardinalin Agostino Vallini, që e mbyll misionin e tij në moshën 77 vjeç.
Vikari i ri i Romës, imzot Angelo De Donatis, lindi më 4 janar 1954, u shugurua meshtar më 28 nëntor 1983, shërbeu në detyra e famulli të ndryshme, para se të emërohej ipeshkëv, e ndër misionet është edhe shërbimi tij si famullitar pranë komunitetit kishtar të Shën Markut, në sheshin Venezia, në Romë, e po kështu qe meshtari parë i emëruar nga Papa për predikimin e ushtrimeve shpirtërore të kohës liturgjike të Krezhmëve, para Atit të Shenjtë e Kuries Romake, më 2014. Papa Françesku e emëroi Ipeshkëv Ndihmës të dioqezës së Romës, me selinë titullarë të Mottola-s, më 14 shtator 2015. E sot, gjithnjë nga Papa Bergoglio u emëruar Vikar i ri i Atit të Shenjtë për dioqezën e Romës.
All the contents on this site are copyrighted ©. |