Ndeshje në Brazil: turma kërkon dorëheqjen e presidentit Temer

Dhjetra mijëra brazilianë mbushën sheshet dje, në kryeqytetin Brazilia, duke iu përgjigjur thirrjes së sindikatave, të cilat kërkojnë dorëheqjen e presidentit, Michel Temer, i akuzuar për korrupsion. Të shumtë, të plagosurit, ndërmjet gati 100 mijë demonstruesve.

Sipas një regjistrimi, kreu i shtetit duhet të ketë marrë ryshfet, por Temer hedh poshtë çdo akuzë. Megjithatë, Gjykata e Lartë Federale formuloi tri akuza: korrupsion pasiv, pengim i drejtësisë dhe bashkëpunim në krim. Presidenti u përgjigj duke nxjerrë ushtrinë nëpër rrugë. 1500 ushtarë mbrojnë aktualisht, selitë qeveritare në Brazilia, ku janë sinjalizuar zjarre në Ministrinë e Financës dhe në atë të Bujqësisë.

Koalicioni qeveritar ka rrezik të shpërbëhet, në veçanti, përsa u përket dy reformave të mëdha për pensionet dhe punën, propozuar nga ekzekutivi konservator e kundërshtuar edhe nga Kisha Katolike. Ipeshkvijtë brazilianë shprehin shqetësimin se reformat godasin shtresat më të dobta të popullsisë, në vështirësi për shkak të krizës ekonomike në vend.