Papa në tweet-in e ri: Fatima është mantel drite, kur kërkojmë mbrojtjen e Zojës

“Fatima është, mbi të gjitha, mantel drite, që na mbulon kur lypim strehë nën mbrojtjen e Virgjërës Nënë, për t’i kërkuar: “Na e kallxo Jezusin”. E pohon Papa Françesku në një tweet të ri, përhapur para përfundimit të vizitës së tij në Fatima e nisjes për në Romë.

Françesku tashmë është nisur drejt Romës, pas ceremonisë së lamtumirës në bazën ajrore të Monte Real, ku për ta përshëndetur kishte dalë presidenti i Republikës së Portugalisë, Marcelo Rebelo de Sousa. Tani avioni vijon fluturimin drejt Romës, ku do të arrijë pas tri orë udhëtimi.