Ftesë në sofrën e jetës: Meditim frymëzuar nga Liturgjia e së Dielës III të Pashkëve – A (Lk. 24,13-35).
Ftesë në sofrën e jetës
Ti vjen për vit përkrah
Dishepujve të Emmaus:
Na gjen ngarkuar me merzi,
të paaftë për ta shpjeguar,
të djeshmen, të sotmen, të nesërmen…
Shtegtojmë në shtigje terri,
Ti na dëgjon si flasim papushim
krejt pa kuptim…
Dëgjon, e pastaj flet:
e fjalët e dala nga buzët tua
me kuptim të ri
na djegin e na ndrisin si pishtar,
na i ndezin zemrat
e natën e bëjnë ditë.
Ti shkandullin e kryqit
s’e zhduk, që na shkallmon
po na kujton çka vlen,
e çka nuk vlen fare në jetë:
Kujton se dashuria
vlen shumë më tepër se mëkati,
se jeta e vdes vdekjen
se gjë në botë nuk mundet
TënZoti t’i vërë cak!
Të dielë pas të diele,
ti ndalesh një çast në shtëpitë tona,
pranon të jesh miku ynë,
ulesh në sofrën tonë,
mbi të thyen Korpin tënd,
me bukën e jetës na ushqen:
e vetëm kështu e kuptojmë,
se Ti po na fton papushim
në sofrën e Atit Hyjnor
në festën e jetës, në amshim.
All the contents on this site are copyrighted ©. |