Lexo artikullin Shko tek menyja

rrjete shoqërore:

RSS:

App:

Radio Vatikani

zëri i Papës dhe i Kishës në dialog me botën

Gjuha:

Rubrika \ Kalendari

Më 19 prill kalendari kishtar përkujton Shën Leonin IX Papë.

In a re-enactment, Miguel Correa plays the role of Jesus during the Via Crucis, or Way of the Cross, at Santa Maria del Popolo Catholic Church in Mundelein, Ill. Friday, April 14, 2017. - AP

19/04/2017 11:47

Më 19 prill kalendari kishtar përkujton Shën Leonin IX Papë. Brunoni i Dagsburgut, siç quhej në shekull, lindi në vitin 1002 në një familje vasalësh të mëdhenj të Alsasës, vend që kalonte nga duart e Francës në ato të Gjermanisë e anasjelltas, deri sa kaloi përfundimisht nën Gjermaninë. 18 vjeç u bë kanonik i Shën Etjenit e 22 vjeçar, diakon. Në vitin 1026 u zgjodh ipeshkëv i Tul.

U ul në fronin papnor në vitin 1049, duke e ndërruar emrin e pagëzimit Brunon në atë të papnisë, Leoni IX. Erdhi nga Franca në Romë me veshje shtegtari e me këmbë të zbathura, i pritur me entuziazëm nga të gjithë.

Gjatë papnisë së tij luftoi kundër fenomeneve si simonia, dmth përvetësimi i gjësë së Kishës nga ana e njerëzve të klerit e, më me forcë akoma, kundër shkëputjes së Kishës greke. Ideja e tij më gjeniale qenë shtegtimet mespërmes Evropës, ku organizoi sinode, mbajti koncile kishtare e mblodhi asamble, vendimet e të cilave, të marra në praninë e të interesuarve, patën një ndikim shumë më të madh se ato që vinin nga Roma e largët.

Vdiq në Romë më 19 prill. Qëndroi në timonin e barkës së shën Pjetrit nga 12 shkurti i vitit 1049 deri më 19 prill 1054. U zgjodh Pajtor nga qyteti italian i Beneventos.

19/04/2017 11:47