Lexo artikullin Shko tek menyja

rrjete shoqërore:

RSS:

App:

Radio Vatikani

zëri i Papës dhe i Kishës në dialog me botën

Gjuha:

Rubrika \ Liturgjia

Lutje e frymëzuar nga Liturgjia e së Dielës së Larit: "Një bisk ulliri…"

Një bisk ulliri... - RV

08/04/2017 16:52

Lutje e frymëzuar nga Liturgjia e së Dielës së Larit: "Një bisk ulliri…"

Një bisk ulliri…

Një bisk ulliri

merr frymë si të ishte në degë

sot n’ duart tona.

Për shans s’e morëm, as për stoli.

Me të Ti na kujton

se je krejt pranë…

Se po troket në porta të zemrës sonë.

E ne të presim me shpirtin

gatitë për festë:

“Bekuar qofsh, o Bir i Davidit!

Bekuar Ti, Bir Zoti,

Njeri si ne.

Bekuar Ti, Shëlbuesi ynë

e Pashka jonë!

Këtë rrem ulliri

që e valëvisim në erë,

po e çojmë në arë të jetës,

si Korpin tënd të shenjtë!

Që bota të mos jetë më

shtruar me gjemba.

Njerëzimi të bëhet ullishtë,

e të blerojë gjithë motin

e fryte të pjekë prej nga pikojnë

pikat e vajit të paqes…

Një bisk ulliri

merr frymë si të ishte në degë

sot në duart tona.

Në botë përhap aromën

e virgjër të dashurisë

e ngjyrën e ditëve të blerta.

Me ty, o Zot dhe prangat

nga duart bien vetvetiu!

08/04/2017 16:52