Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Kisha \ Kisha në botë

Simpozium i Këshilli i Konferencave Ipeshkvnore Evropiane: të shoqërojmë të rinjtë

Të rinjtë me Papën në DBR-në e Krakovit - OSS_ROM

20/03/2017 18:50

“Ecte me ta (Lk 24,15). T’i shoqërojmë të rinjtë për t’iu përgjigjur lirisht thirrjes së Krishtit”: ky është titulli i udhëzuesit me 12 pika, realizuar nga episkopatet evropiane, në prag të simpoziumit mbi të rinjtë, që do të mbahet në Barcelonë të Spanjës, nga 28 deri më 31 mars. Takimi, i organizuar nga Këshilli i Konferencave Ipeshkvnore Evropiane (CCEE), në bashkëpunim me Konferencën Ipeshkvnore spanjolle dhe me kryedioqezën e Barcelonës, është rast për të reflektuar mbi mënyrën e shoqërimit të të rinjve në udhën e fesë e në formimin e identitetit e të personalitetit. Marrin pjesë rreth 250 ipeshkvij, përgjegjës për baritorinë e të rinjve, për baritorinë shkollore, universitare, përgjegjës për thirrjet dhe për katekizmin nga e gjithë Evropa.

Reflektimi do të bëhet duke ndjekur udhëzuesin, që është fryt i një këshillimi të gjerë ndërmjet episkopateve. Në tekst, për çdo pikë, bëhen një sërë pyetjesh, të cilave u duhet dhënë përgjigje, edhe duke pasur parasysh sinodin e ardhshëm të ipeshkvijve për të rinjtë dhe thirrjet, që do të mbahet në Vatikan në tetor 2018. “Të rinjtë janë vendimtarë për jetën e Kishës dhe të shoqërisë” nënvizoi Sekretari i përgjithshëm i CCEE-së, imzot Duarte da Cunha, gjatë paraqitjes së takimit të Barcelonës. Ata, shtoi ai, “kanë shumë dhurata për t’i ndarë me të tjerët, dhurata që duhen vlerësuar, si: përkushtimi, krijimtaria, bujaria, dëshira për ta njohur tjetrin dhe për ta mirëpritur, ose dëshira e madhe për të dashur e për t’u dashur, për të njohur të vërtetën e për ta ndjekur atë”. Në këtë kuptim, theksoi imzot da Cunha, “shoqërimi i të rinjve bëhet një mision i bukur, që na beson Jezusi. Vërtet, nuk ka gëzim më të madh për një edukator sa ai që ndjen kur sheh të riun që hyn në marrëdhënie personale me Jezu Krishtin”.

20/03/2017 18:50