Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Rubrika \ Takime kulturore

Lutje me Ungjillin e së dielës: Një udhë është në këtë botë...

Për udhë, pas Krishtit - ANSA

19/02/2017 11:56

 Lutje me Ungjillin e së dielës: Një udhë është në këtë botë...

Një udhë është në këtë botë,

që duket krejt e sigurt...

Burra e gra prej shekujsh

njëri pas tjetrit

ecin e s’ndalen kurrë...

të bindur krejt se gjetën

udhën e drejtë..

 

Një udhë është, nëpër të cilën

njeriu ecën krejt pa menduar,

i joshur nga lidhje gjaku,

e gjithfarë lidhjesh tjera,

pas turmës gjithnjë në lëvizje...

Ecën

se ka gjithnjë nevojë

dikush t’ia mbrojë

emrin e të drejtat,

nderin e interesat.

 

Po ti, Jezus, atyre që dëshirojnë

të ecin si dishepuj

mbi gjurmën tënde,

rrugë tjetër u tregon!

Një rrugë të theptë,

më pak të shkelur,

plot prita e rreziqe,

ku njerëzit ecin

me një copë qiell në krah.

e shtegu u zdrit përpara

me copa drite në sy.

Ti na kërkon të ecim krejt pa armë

përballë  të mbrapshtit

e ta durojmë pa fjalë

kur keqas na shkel nën thembër.

Ti s’do t’ia kthejmë

të keqen me të keqe,

dhunën me dhunë,

fyerjen me fyerje...

Përkundra, na fton ta duam,

atë që nuk na do

e na sulmon

me gjithfarë armësh.

Atë që zemrën

me ankth përplot na e mbush,

e në provë të rëndë

e vë durimin tonë.

Pse kështu, o Zoti im?

“Pse ndryshe nuk mund të jetë,

biri i vërtetë i Atit

plot me mirësi e mëshirë!”

- më flet zëri i Zotit në zemër.

19/02/2017 11:56