Papa: gëzim për l’Osservatore Romano në Argjentinë

“Me gëzim përshëndes praninë e re të L’Osservatore Romano në Argjentinë”. Këto fjalë i lexojmë në një kirograf të Papës Françesku, me rastin e botimit argjentinas të l’Osservatore Romano, drejtuar nga biblisti protestant, Marcelo Figueroa. Përmes së përditshmes të Selisë së Shenjtë - shkruan Françesku - mund të njihet drejtpërdrejt shërbesa e Papës. E në vijim, i bekon të gjithë ata, që punojnë në këtë projekt, në shërbim të Mbretërisë së Zotit dhe u kërkon lexuesve të mos harrojnë të luten për të.