Françesku Rai Uno-s: ju uroj Krishtlindje të krishtera

Një telefonatë e papritur në Rai Uno: në receptor, zëri i Papës Françesku që bënte urimet më të përzemërta me rastin e 30-vjetorit të transmetimit popullor “Unomattina”, duke përgëzuar për programin; pastaj, edhe urimet e Krishtlindjes:

“Ju uroj Krishtlindje të krishterë, ashtu si e para, kur Zoti deshi t’i përmbyste vlerat e botës: u bë i vogël, në një stallë; i vogël me të vegjlit, me të varfërit, me të shtypurit… Vogëlsi: në këtë botë, ku adhurohet aq shumë zoti para. Krishtlindja na ndihmoftë për ta parë vogëlsinë e këtij Zoti, që i ktheu përmbys, ato që mendësia e botës i quan vlera. Ju uroj Krishtlindje të shenjtë e të lumtur, shumë të lumtur. Një përqafim të gjithëve!”.