Vijon të ngjallë komente të shumta Nxitja apostolike e Papës Françesku “Amoris laetitia”. Ndërhyrja e fundit e rëndësishme është ajo e Patrikut ekumenik të Kostandinopojës, Bartolomeu, që shkroi një artikull për L’Osservatore Romano të 3 dhjetorit. Patriku reflekton mbi pyetjen që po e bëjnë disa: në Amoris laetitia doktrina mbi martesën dhe familjen zhvillohet, apo mbrohet? Normat fuqizohen, apo zbuten? Letra e Papës - vëren Bartolomeu - kujton sidomos mëshirën dhe dhembshurinë e Zotit, e jo vetëm rregullat kanonike të njerëzve. Pikënisja është hiri dashamir e shëlbues i Zotit, që shndrit mbi çdo njeri, pa kurrfarë dallimi.
All the contents on this site are copyrighted ©. |