Lexo artikullin Shko tek menyja

rrjete shoqërore:

RSS:

Radio Vatikani

zëri i Papës dhe i Kishës në dialog me botën

Gjuha:

Kisha \ Kisha shqiptare

Rubrika “Nënë Tereza, Shenjtja e Mëshirës Hyjnore”- “Lutje Marisë”

Nanë Tereza tek Zoja e Loretos - RV

23/08/2016 11:36

Emisioni i 20-të i rubrikës “Nënë Tereza, Shenjtja e Mëshirës Hyjnore”, marrë nga libri “Njoha një shenjtore” shkruar nga kardinali Angelo Komastri, të cilin ne e zgjodhëm për ta njohur më nga afër Shenjtoren tonë, është lutje drejtuar Marisë; britmë, për të kërkuar ndihmë në kryerjen e një misioni të jashtëzakonshëm, që nuk do të mund të kishte arritur deri në lartësinë e shenjtërisë, pa ndërhyrjen e drejtpërdrejtë të Krishtit e pa ndërmjetësimin e Nënës së Zotit, së cilës Nënë Tereza i lutet kështu:

Mari, ti Nënë e Krishtit,

ma jep zemrën tënde

aq të bukur,

aq të papërlyer,

aq të rrëmbushur

me dashuri e përvujtni!

 

Ma jep, o Zojë, hirin

ta marr Jezusin

në bukën e jetës!

Hirin ma jep ta dua,

ashtu si e deshe ti!

Ndihmomë, o Zojë, t’i shërbej,

në një grusht eshtrash,

dërmuar nga jeta,

në të varfërin më të varfër,

që sot më vjen përballë.

Vjen, e më shikon,

e sytë e Birit tënd, në sytë e tij,

më kërkojnë ndihmë!

Më kërkojnë jetën

që mund ta japë

vetëm yt Bir, Mari,

me ndërmjetësimin tënd.

Amen!

23/08/2016 11:36