Papa Françesku vizitoi sot disa dikastere të Selisë së Shenjtë në udhën Conciliazione, në afërsi të Vatikanit, në Romë. Nuk është hera parë që Ati i Shenjtë Bergoglio shkon për t’i vizituar punëtoret e Selisë së Shenjtë.
Sot paradite, Papa Françesku vizitoi, së pari, Këshillin Papnor për Promovimin e Ungjillëzimit të Ri, të cilin e udhëheq imzot Rino Fizikella. Gjithnjë pranë këtij dikasteri, vizitoi edhe Qendrën për pritjen e shtegtarëve dhe zyrën e përgjegjësit për Vitin Jubilar të Mëshirës.
Në vijim, Papa vizitoi dhe u ndal në bisedë me disa punëtorë të dikasterit tjetër, Këshillit Papnor ‘Cor Unum’, që merret me shpërndarjen e karitasit të Kishës atyre që janë më të varfër.
Së fundit, Ati i Shenjtë Bergoglio vizitoi Kongregatën e Vatikanit për Kishat Lindore, të cilën e udhëheq kardinali Leonardo Sandri.
All the contents on this site are copyrighted ©. |