“Kisha jonë është Kishë e martirëve”. Në homelinë e meshës kremtuar sot në mëngjes në shtëpinë e Shën Martës, në Vatikan, duke u ndalur te martirizimi i Shën Shtjefnit, për çka rrëfejnë Veprat e Apostujve, leximi parë i Meshës së sotme, Papa Françesku kujtoi me fjalë plot emocion të gjitha ata njerëz që sot janë të persekutuar e të vrarë vetëm pse janë të krishterë.
E Ati i Shenjtë Bergoglio nënvizoi se ka edhe “të krishterë të fshehur” që kërkojnë
udhë të reja për t’i ndihmuar vëllezërit e për këtë arsye persekutohen nga “Sinedrat
modern”. Nga skena dramatike e martirit të parë të Kishës, shën Shtjefnit, Papa shtjelloi
homelinë e tij, duke kujtuar fytyrat e historitë e shumë martirëve të sotëm, të cilët,
si martiri parë Shtjefni, persekutohen e vriten vetëm pse janë ndjekës besnik të Jezusit.
Martirët, vërejti Papa, nuk kanë nevojë për “bukë tjerë”, sepse buka e tyre e vetme
është Jezusi. E nënvizoi se Shtjefni “nuk pati nevojë të shkonte të negocionte, të
bënte kompromise”. “Dëshmia e tij është e tillë sa që denigruesit e tij “nuk mund
t’i qëndronin urtisë” e shpirtit “me të cilin ai fliste”. Si Jezusi, edhe Shtjefnit
vdiq “me atë shpirt të madh të krishterë të faljes, të lutjes për armiqtë”. E në
vijim të homelisë Papa “kujtoi se Historia e e Kishës, Historia e vërtetë e Kishës,
është Historia e Shenjtorëve dhe martirëve: martirë të persekutuar, shumë të vrarë,
nga ata që mendonin se po i jepnin lavdi Hyjit, nga ata që besonin se posedonin ‘të
vërtetën’. Njerëz me zemër të korruptuar. “
Edhe këtyre ditëve, sa shumë Shtjefna ka në botë! Të mendojmë në vëllezërit tanë të
therur në plazhin e Libisë; të mendojmë në atë djaloshin e djegur për së gjalli nga
shokët e tij vetëm pse ishte i krishterë; të mendojmë në ata emigrantë që u hedhën
në ujëra nga emigrantët tjerë, vetëm pse ishin të krishterë; të mendojmë – në ditën
e pardjeshme – në ata etiopë, të vrarë vetëm pse ishin të krishterë... e sa e sa të
tjerë. E ka akoma shumë tjerë për të cilët nuk kemi dijeni, që vuajnë nëpër burgje
e ne marrim bekimin e Zotit për dëshminë e tyre”. “Të bashkohemi me Jezusin në Eukaristi,
e të bashkohemi me kaq shumë vëllezër e motra që vuajnë martirizimin e persekutimit,
të shpifjes e të vrasjes pse janë besnik ndaj bukës së vetme që ushqen e nginë, do
të thotë ndaj Jezusit”.
All the contents on this site are copyrighted ©. |