Pasi e pyetëm ndërgjegjën tonë ç’të keqe e edhe ç’të mirë kemi bërë ndaj Zotit, vijojmë me të afërmin e vetveten. Ky, argumenti i rubrikës së sotme “Ruaje zemrën!”: me Papën, drejt Pashkëve.
Mëkatet ndaj të afërmit
A di të fal, të ngushëlloj, ta ndihmoj të afërmin?
A ia gjykoj pa mëshirë mendimet e fjalët?
A shpif, vjedh, përbuz të vegjlit e të pambrojturit?
A jam ziliqar, gjaknxehtë, i njëanshëm?
A kujdesem për të varfërit e të sëmurët?
A më vjen turp të shikoj korpin e tim vëllai e të sime motre?
A jam i ndershëm e i drejtë me të gjithë, apo mbështes kulturën e përbuzjes, të përjashtimit?
A kam nxitur kënd të bëjë keq, duke flakur gurin e duke fshehur dorën?
A e jetoj moralin bashkëshortor e familjar sipas mësimeve të Ungjillit?
Si i kryej detyrat e mia ndaj fëmijëve?
A i nderoj e i respektoj prindërit e mi?
A e kam refuzuar jetën e sapo zënë? E kam shuar dhuratën e jetës? Kam ndihmuar kënd për ta bërë këtë?
A e respektoj ambientin?
Ndaj vetetes
A jam pak i botës e pak i Krishtit?
A e teproj në të ngrënë, në të pirë, në duhan, në dëfrim?
A shqetësohem në tepri për shëndetin fizik e për pasuritë e mia?
Si e kaloj kohën? A jam përtac?
A bluaj hakmarrje e ushqej inate?
A jam zemërbutë, i përvujtë, paqedashës?
Në emisionin e së shtunës, Puna e pendimit.
All the contents on this site are copyrighted ©. |