Egjipt. Patriarku Sidrak: 21 koptët e vrarë, martirë për fe
Pasmasakrës së 21 koptëve egjiptianë, të cilëve xhihadistët e Shtetit të
vetëshpallur Islamik (Is) ua prenë kokat, patriarku i Aleksandrisë së koptëve katolikë,
Ibrahim Isaac Sidrak, i ngushëlloi të gjitha familjet e martirëve, që dhanë jetën
për fenë e tyre e, njëkohësisht, e falënderoi presidentin Abdel Fattah al-Sisi si
dhe të gjitha institucionet e qeverisë egjiptiane për përgjigjen flakë për flakë,
që i dhanë një akti kaq të shëmtuar terrorist. Ta shikojmë vdekjen e tyre në
dritën e fesë Në deklaratën, besuar agjencisë Fides, përmes bashkëpunëtorëve
të tij, primati i Kishës kopto-katolike i fton besimtarët ta shikojnë vdekjen e vëllezërve
koptë ortodoksë me sy të ndriçuar nga feja, ndërsa vë theksin mbi faktin se, përballë
barbarive gjakatare të xhihadistëve, vendi reagoi me një moto të njëzëshme. Në
Egjipt, tragjedia i bashkoi të krishterë e myslimanë “Kjo ngjarje tragjike,
pohon për agjencinë Fides atë Hani Bakhoum Kiroulos, sekretar i patriarkatit kopto-katolik,
po bashkon gjithë vendin, të krishterë e myslimanë. Nëse mendonin ta përçanin, plani
i tyre dështoi plotësisht. Dënimi i ashpër i Al Azhar (qendra më e madhe teologjike
e Islamit sunnit) ishte e menjëhershme e pa asnjë ngurrim. U fol për veprim barbar,
“që nuk ka të bëjë me asnjë fe, me asnjë vlerë njerëzore”. E edhe operacioni i rrufeshëm
ushtarak i aviacionit egjiptian kundër bazës së Shtetit Islamik në Libi, tregon se
për qeverinë qytetarët egjiptianë janë të gjithë të barabartë e se Egjipti “ndjehet
i goditur rëndë si komb, nga kllapia gjakatare e terroristëve”. Presidenca egjiptiane
dekretoi 7 ditë zije kombëtare për masakrën e 21 koptëve.