Krim i ri i Boko Haram, në Nigeri. Një vajzë kamikaze masakroi disa fëmijë në Damaturu,
verilindje e vendit, tronditur rëndë nga sulmet e integralistëve islamikë Të varfra,
fjalët, për ta përshkruar këtë krim të shëmtuar: një vajzë e re kamikaze, kapërcen
kontrollet e hidhet në erë në një stacion autobusi, bashkë me një grup fëmijësh, që
blinin lajthi, duke numëruar kacidhet që u kishin dhënë prindërit. Të paktën 16, trupat
e coptuar. Mendohet se pas vajzës fshihet grupi famëkeq Boko Haram, që vijon të
rekrutojë gra kamikaze, sepse e kanë më pak të vështirë t’i fshehin lëndët shpërthyese
nën veshjet e gjata, duke kapërcyer më lehtë kontrollet e policisë. 16 fëmijë, tjetër
gjak që bërtet para Fronit të Zotit, në emër të të cilit kryhen këto shëmtime, që
lypin gjyq hyjnor.