Dy fjalë për jetëshkrimin e kardinajve të rinj: Imzot Charles Maung BO, S.D.B.
Imzot Charles Maung BO, S.D.B. (Çarl Maung Bo), Salezian i Dom Boskos, kryeipeshkëv
i Yangon (Myanmar) lindi në Mohla, në kryedioqezën e Mandalay, më 29 tetor 1948. U
shugurua meshtar më 9 prill 1976. Nga viti 1985 qe Prefekt Apostolik në Prefekturën
e Lashio. Më 7 korrik 1990, me ngritjen e prefekturës në Dioqezë, u emërua ipeshkëv
i parë i Lashios dhe mori shugurimin ipeshkvnor më 16 dhjetor të të njëjtit vit. Papa
Gjon Pali II e emëroi, më 13 mars 1996, Ipeshkëv të Pathein. Nga 15 maji 2003 është
kryeipeshkëv Metropolit i Yangon. Ishte kryetar i Konferencës Ipeshkvnore të Myanmar-it
nga viti 2000 deri më 2006.