Sulm talebanësh në Pakistan: së paku 120 viktima, edhe fëmijë
Së paku 126 viktima, pjesa më e madhe e të cilëve fëmijë, e 200 të plagosur. Ky është
bilanci i tmerrshëm i masakrës së talebanëve në Pakistan, në një shkollë të Peshauarit.
Aktualisht, shkolla është liruar nga ushtria dhe gjashtë terroristët janë vrarë. Kjo
gjakderdhje e pashoq, pra, 123 fëmijë të vrarë, ishte përgjigjja e talebanëve kundër
aksioneve të ushtrisë pakistaneze në veri të Uaziristanit, në kufi me Afganistanin.
Viktimat e vogla, nga 7 deri 14 vjeç, ishin të gjithë nxënës të kësaj shkolle në qytetin
kyresor në veriperëndim të vendit. Shkolla u sulmua nga talebanët e grupit kryesor
të rebelëve islamikë të lidhur me Al Kaedën, të cilët ishin veshur si ushtarë të rregullt,
prandaj hynë lehtësisht në institutin, ku studiojnë bijtë e ushtarakëve pakistanezë.
Autoritetet e quajtën sulmin “tragjedi kombëtare” dhe bënë thirrje për dhurimin e
gjakut.