Me rastin e 28 nëntorit, në bashkësinë e Shën Athanasit, konferenca “Krishterimi i
lashtë në Shqipëri”
Afrohet Festa kombëtare e shqiptarëve, 28 nëntori e, me të, nisin edhe ftesat për
kremtimet 2014. Sipas traditës, edhe sivjet Bashkësia italo-shqiptare e Shën Athanasit
në Romë, me rastin e festës kombëtare, do të organizojë të shtunën, më 29 nëntor 2014,
ora 17.00, në Via dei Greci, 46 – 00187, një konferencë me temë: “Krishterimi i
lashtë në Shqipëri”. Do të flasë Shkëlqesia e Tij, profesor Neritan Ceka, Ambasador
i Republikës së Shqipërisë pranë Kuirinales. Veprimtarinë do ta koordinojë profesor
Domeniko Morelli. Të diel, më 30 nëntor 2014, në orën 10.30, pranë
Kishës së Shën Athanasit, në Rrugën e Babuinit, 149, për të gjithë popullsitë që flasin
gjuhën shqipe në Atdhe e nëpër botë, do të kremtohet Liturgjia Hyjnore në këtë
gjuhë, kryesuar nga Papas Nicola Miracco Berlingieri.