Atë Donato Ogliari, abati i ri i Montecasino-s. Notë e zëdhënësit të Selisë së Shenjtë
Papa Françesku emëroi benediktinin atë Donato Ogliari, abat të Abacisë së Montecassino-s
në Itali. Gjithashtu, duke zbatuar Motu Proprio “Catholica Ecclesia”, Ati i Shenjtë
vendosi që kisha e Abacisë dhe manastiri të bëjnë pjesë në një konfiguracion të ri,
që quhet “Abacia territoriale e Montecassino-s”, ndërsa 53 famullitë, që më parë bënin
pjesë në dioqezën përkatëse, të kalojnë nën varësinë e dioqezës Sora-Aquini-Pontecorvo,
e cila me këtë rast ndryshon emrin në Sora-Cassino-Aquino-Pontecorvo. Siç thuhet në
notën e drejtorit të Sallës së Shtypit të Vatikanit, atë Federiko Lombardi, ky zvogëlim
territori bëhet në zbatim të direktivave të Koncilit II të Vatikanit për Abacitë,
që shprehen në Motu Proprion “Catholica Ecclesia” të Papës Pali VI.