Papa krijon Komisionin e reformimit të gjyqit kanonik për martesën
Një komision i posaçëm studimi për reformimin e gjyqit kanonik martesor, me synim
“të thjeshtohet procedura, duke e bërë më të zhdërvjellët e duke mbrojtur parimin
e pazgjidhshmërisë së martesës”. E krijoi sot Papa Françesku që, sipas një note të
Sallës vatikanase të Shtypit, thirri për ta kryesuar imzot Pio Vito Pinton, Dekan
i Gjykatës Rota Romana. Organizmi i ri do të përbëhet nga kardinali Francesco Coccopalmerio,
kryetar i Këshillit Papnor për Tekstet Ligjore; imzot Luis Francisco Ladaria Ferrer,
S.I., sekretar i Kongregatës për Doktrinën e Fesë; imzot Dimitrios Salachas, hekzark
apostolik per katolikët grekë të ritit bizantin dhe disa prelatë të tjerë të Gjykatës
Rota Romana.Punimet e Komisionit të posaçëm, përfundon nota, do të fillojnë së shpejti
e do të kenë synimin të përgatisin një propozim për reformimin e gjyqit kanonik të
martesës, duke u përpjekur ta thjeshtojnë procedurën, në përkim me parimin e pazgjidhshmërisë
së Sakramentit.