Programi i vizitës së Papës në shenjtëroren e Redipuglia-s
Nesër, 13 shtator 2014. Papa Françesku do të shkojë në Shenjtëroren e Redipuglia-s,
në Itali, për të kujtuar 100-vjetorin e fillimit të Luftës I Botërore, lufta me më
shumë viktima në historinë e njerëzimit.
Gjatë vizitës njëditore, Ati i Shenjtë
do të vizitojë varrezën austro-hungareze. Do të hyjë i vetëm në varrezë e do të lutet
para monumentit qendror, ku do të vendosë edhe një kurorë me lule. Në orën 10.00,
do të kremtojë Meshën në kishën e mauzoleut. Në fund, do të thotë një lutje për të
rënët e për viktimat e të gjitha luftrave. Papa Françesku do t’u dorëzojë Ipeshkvijve
Ushtarakë dhe prelatëve të tjerë të pranishëm, një llambë, e cila do të ndizet në
çdo dioqezë, gjatë kremtimeve për përkujtimin e Luftës I Botërore. Në orën 12.00,
Ati i Shenjtë do të kthehet sërish në Vatikan.