Shqiptarët dhe Shteti Islamik i xhihadistëve. Koment i atë Shtjefën Dodes SJ.
Fenomeni i mbushjes së radhëve të xhihadistëve të Shtetit Islamik të Irakut e të Sirisë
me shqiptarë, sidomos nga Kosova, shkakton shqetësim jo vetëm në nivelin qeveritar
e politik, por edhe në atë popullsisë së thjeshtë. E ndërsa qeveria e Prishtinës arreston
integralistët e mundshëm, një nënë kërkon të birin 8-vjeçar marrë nga i ati për t’u
çuar në Siri, pa u bërë merak për tmerret që do t’i shohin sytë. Ku e ka burimin fenomeni
i mercenarëve fundamentalistë, të gatshëm të presin koka njerëzish për një Zot, që
nuk ua kërkon këtë aspak, përkundrazi!? Ftuam në mikrofonin tonë jezuitin nga Kosova,
atë Shtjefën Dodes, i cili aktualisht është atë shpirtëror në shkollën “Atë Pjetër
Meshkalla” në Shkodër. Intervista e tij do të transmetohet këto ditë, me pjesë, në
valët e Radio Vatikanit. Të dëgjojmë pjesën e parë, në të cilën atë Shtjefën Dodes
i përgjigjet pyetjes: pse ndodh fenomeni i nisjes së shqiptarëve nga Kosova për të
ndihmuar islamikët?