Letër e Papës në meshën për Foley-n: mjaft me dhunën pa kuptim
“Të lutemi për fundin e dhunës pa kuptim e për një agim paqeje e pajtimi ndërmjet
të gjithë anëtarëve të familjes njerëzore”. Kështu shkruan Papa Françesku në një mesazh
për pjesëmarrësit në meshën e djeshme për shpirtin e gazetarit amerikan, James Foley,
vrarë brutalisht në Irak nga xhihadistët e Shtetit Islamik. Mesha u kremtua në kishën
e Rochester, në New Hampshire. Ati i Shenjtë bashkohet me dhimbjen e familjarëve,
të miqve e të kolegëve të reporterit, duke siguruar se do të lutet për të e për të
tjerët. Riti u kremtua nga ipeshkvi i vendit, imzot Peter Libasci, i cili përmendi
forcën, që James dhe familja e tij, e kanë gjetur gjithnjë në fenë katolike. Besimtarët
u lutën edhe për gazetarin tjetër amerikan, Steven Sotloff, dhe për pengjet, akoma
në dorën e xhihadistëve në Irak.