Organizata e Vendeve Islamike mbron të krishterët e Mosulit
“Zhvendosja me forcë e të krishterëve të Mosulit është krim i patolerueshëm. Mizoritë
dhe praktikat aktuale nuk kanë asgjë të përbashkët me Islamin dhe me parimet e tij
të tolerancës e të bashkëjetesës”: Organizata për Bashkëpunimin Islamik denoncon ashpër
dhunën e milicëve sunitë të Shtetit Islamik të Irakut e të Sirisë (ISIS), që kontrollojnë
qytetin e dytë irakian. Në komunikatën e 57 vendeve anëtare, sekretari i përgjithshëm
i Organizatës, sauditi Iyad Madani, tregohet i gatshëm, në emër të shteteve që përfaqëson,
“t’u japë ndihmën humanitare të nevojshme të shpërngulurve, në pritje që të kthehen
në shtëpitë e tyre”. Sipas bilancit të fundit të OKB-së, që nga fillimi i ofensivës
së milicëve sunitë, nisur nga Faluzhah, në perëndim të Irakut, janë vrarë së paku
5576 civilë, prej të cilëve, rreth 2400, vetëm në muajin qershor. Të plagosurit e
kalojnë 11 mijëshin.