Më 14 korrik përkujtohet shën Kamilo de Lelis. Pasi i humbi pasuritë duke luajtur
me para, u vu në shërbim të Kapuçinëve të Mandredonias. Më vonë vendosi të hynte në
këtë urdhër, por iu desh të kthehej në Romë, për t’u kujdesur për një plagë, në spitalin
e Shën Jakobit të të Pashërueshmëve, ku u shërbeu me përkushtim të sëmurëve. Në këto
rrethana vendosi t’i kushtohej Krishtit të kryqëzuar, filloi studimet në Kolegjin
Romak dhe, pasi u shugurua meshtar më 1584, themeloi “Shoqërinë e Shërbëtorëve të
të Sëmurëve”. Ordhri i Kamilianëve u dallua ndar urdhrat e tjerë jo vetëm për shkak
të kryqit të kuq prej pëlhure, të qepur mbi zhgunin e rregulltarëve, por mbi të gjitha
për dashurinë mëshirëplote ndaj të sëmurëve. De Lelis vdiq në Romë më 14 korrik 1614. Më
15 korrik përkujtohet shën Bonaventura. U lind në Bagnoregio (Italia qendrore) më
1218. U sëmur në moshë të vogël dhe u shërua nga Shën Françesku, i cili thuhet se
thirri: “Oh, bona ventura” (Oh, fat i mbarë). Ky u bë emri i tij dhe me të vërtetë
ai qe një fat i mbarë për Kishën. Studioi në Paris dhe gjatë studimeve hyri në Urdhrin
françeskan. Më 1257 u zgjodh Epror i Përgjithshëm i fretërve. Shkroi shumë vepra me
karakter teologjik e mistik, si edhe biogafinë zyrtare të Shën Françeskut. U emërua
ipeshkëv i Albanos dhe kardinal. Vdiq më 15 korrik 1274, në Lion të Francës, ku kishte
shkuar për të marrë pjesë në Koncilin që synonte të afronte kishën greke me atë latine. Më
16 korrik përkujtohet Zoja e Karmelit. Profeti i parë i Izraelit, Elia (shek. IX p.K.),
kur po banonte në Malin Karmel, pa në vegim një Virgjër, e cila ngrihej nga toka si
një re e vogël e cila solli shiun dhe e shpëtoi Izraelin nga thatësira. Të gjithë
mistikët e krishterë dhe egzegjetët e hershëm kanë parë në atë shëmmbëllim Virgjërën
Mari, e cila, duke mbartur në kraharor Fjalën hyjnore, i ka sjellë botës jetën dhe
begatinë. Një grup heremitësh, “Vëllezërit e së Lumes Vergjërës Mari të Malit Karmel”,
ndërtuan një kapelë kushtuar asaj. Më 16 korrik 1251, Virgjëra, rrethuar me engjëj
dhe me fëmijën në krahë, iu shfaq eprorit të parë të përgjithshëm të Urdhrit, të Lumit
Simon Stock, të cilit i dorëzoi “skapularin” me “privilegjin e të shtunës”, domethënë
premtimin e shpëtimit nga ferri për ata që e mbajnë në qafë dhe lirimin nga vuajtjet
e purgatorit ditën e shtunë pas vdekjes së tyre. Më 17 korrik përkujtohet Shën
Hedviga e Polonisë, bijë e një dege të familjes mbretërore të Anzhuve, që mbretëronte
në Hungari. U bë mbretëreshë e Polonisë dhe Lituanisë. U mor me ungjillëzimin skaj
më skaj të tokave të saj, prandaj këta popuj e nderojnë si pajtore. Gjon Pali II e
Shpalli shenjtore më 8 qershor 1997, në Krakovë (Poloni). Më 18 korrik përkujtohet
Shën Teodosia e Kostandinopojës. Në Konstantinopojë, Teodosia, murgeshë, vuajti dhe
u martirizua sepse mbrojti një figurë të vjetër të Krishtit, të cilën perandori kishte
urdhëruar ta hiqnin nga Porta e Bronzit e pallatit perandorak. Më 19 korrik përkujtohet
Shën Makrina. U lind në Pont më 327, e para e dhjetë fëmijëve, katër prej të cilëve
shenjtorë (ajo vetë, Bazili i Cesaresë, Gregori i Nisës dhe Pjetri meshtar e murg).
E re dhe e bukur, ishte e dëshiruar nga të gjithë, por ajo vendosi t’i kushtohej Hyjit.
Për shumë vite qëndroi pranë të ëmës, për ta ndihmuar në punët e shtëpisë dhe për
edukimin e vëllezërve e motrave. Ushtroi ndikim vendimtar për jetën e dy vëllezërve
më të famshëm, Bazilit të Cezaresë dhe Gregorit të Nisës. Makrina vdiq më 380 dhe
për jetën dhe përshpirtërinë e saj shkroi i vëllai, Gregori. Më 20 korrik është
e dile, festa e Zotit