Ukrainë-Janukoviç largohet nga Kievi, besniku i Timoshenkos emërohet kryeministër
ad interim
Situata, në evolucion të vazhdueshëm në Ukrainë: presidenti Viktor Janukoviç u largua
nga Kievi e, sipas njoftimeve të fundit, ndodhet në Karkiv, në lindje të vendit, rajon
ku ka më shumë mbështetës. Në kryeqytet parlamenti po vlerëson mundësinë e votimit
për impeachment të të ikurit, gjë që kërkohet me ngulm nga opozita, e cila
dëshiron edhe të arrihet në zgjedhjet e parakohshme presidenciale para 25 majit. Në
këtë çast, ish-kryeministrja Julia Timoshenko u largua nga spitali dhe po drejtohet
nga Sheshi i Pavarësisë, i pushtuar nga manifestuesit antiqeveritarë që nga nëntori
i kaluar. Ndërkaq besniku i saj, Oleksandr Turçinov, u emërua nga parlamentarët kryeministër
ad interim. Vendim, ky, që u kundërshtua nga deputetët e zonave të jugut e të lindjes,
besnikë të presidentit Janukoviç i cili, nga Karkivi, e quajti “të paligjshëm” parlamentin
e Kievit.Në këto çaste të mëdhenjtë e botës rrijnë e shikojnë!